220g-ko 15 unitate

Txistorra erdiondutako hestebetea da, txerrikiarekin egina (kokospearekin zein hirugiharrarekin). Haragia makina batean txikitu eta oratu bitartean, piperrautsa, gatza, baratxuria eta ur pixka bat botatzen zaio.

Behin orea loturik dagoela, oratzailetik atera, betetzeko makinan bota eta bildots-hesteetan zein kolagenozkoetan sartzen dugu. Ondoren, txistorrak kordetan lotzen ditugu, makila batzuetatik eskegi, eta lehortegira eramaten ditugu.

Lauzpabost egunetan lehortzen edukitzen ditugu (prozesu honetan tenperatura eta hezetasuna kontrolatzen ditugu).

Txistorrak lehortu ondoren, hutsean ontziratzen ditugu. Une horretan prest daude salgai jartzeko.