500 g-ko 6 poto.

Gurean ez da askorik ikusten, gaztainondo gutxi geratzen baita. Guk Nafarroa iparraldeko mendietan ekoizten dugu, geratzen diren azkeneko gaztainondo basoetan. Ezti berezia da, mikatz pixka bat duelako.

> Kolorea: gorri-marroizta da; urtearen arabera, batzuetan ilunagoa izaten da (mielatoa edo ainarra badauka), eta besteetan argiagoa (akaziaren eztia badauka).

> Usaina: egur lehorraren usaina dauka, indartsua eta iraunkorra.

> Zaporea: gozoa hasieran eta mikatza irentsi ondoan. Ahoan, basoko egur zaporea du.

> Kristalizazioa: gehienetan, urtebete inguru irauten du gogortu gabe.

> Propietateak: Lorauts asko dauka, eta mineraletan aberatsa da, batez ere burdinan. Ona da bihotza indartzeko, odol zirkulazioa hobetzeko eta anemia sendatzen laguntzeko. (Castanea sativa)