2 CD. ELKAR. Euskal herri-kantuen ondarea ezagutzera eman eta berpopulizatzeko asmoz Oskorri talde beteranoak dakarkigun sailaren 13. alea, bilduma sendo eta historiko honi urrezko bukaera ematen diona. Oskorri taldeko partaideak Bilboko Arenal plazan, Santo Tomas azokan publikoarekin elkartu ziren denen artean abesteko; horren emaitza disko bikoitzean argitaratu ohi da. Disko batean, zuzenean publikoarekin eginiko abestiak agertzen dira eta bestean abesti horien play-backak bakarrik, partituren liburuxka batekin kaleratzen da produktua.