Badira haur kantu batzuek, urteak joan, urteak etorri, iraun egiten dutenak, klasiko bihurtu zaizkigunak. Kantu horiek, duten musikalitatearengatik, duten erritmoagatik eta ederrak direlako, belaunaldiz belaunaldi transmititzen dira, eta handituta ere beren oihartzuna uzten dute gure haurtzaroko oroitzapenetan. Kantu klasiko horiek jaso ditugu bilduma honetan, Pintto-pintto, Txikia izanik, Jon Braun, Lehenengotxo hori... gure haurren musika errepertorioan bere tokia irabazia duten kantu guztiak. Kantuon egileak ere lehen mailakoak dira haur musikan: Xirula Mirula, Takolo, Pirritx eta Porrotx, Txirri, Mirri eta Txiribiton, Hik Hasi, Oskorri... Musikaz gain, CD-Rom bat topatuko duzu. Bertan, kantu horietako batzuen koreografia eginez, irudi animatuek dantza egiten dute eta hainbat pauso irakasten dira dantzan egiteko. Haurrak kantua eta dantza batera bizi baititu. Gure nahia haur kantu eder hauen transmisioari segida ematea da, guraso berriek kantuak ikasi eta haur txikiekin kantuan eta dantzan egin dezaten. Hala, haur txikiek eskolan ikasten dituzten kantuak etxean, guraso eta familiakoekin, abestu ditzaten.
1.- Txiki, txiki, txikia
2.- Lotan nago
3.- Sagu txiki, sagu maite
4.- Pintto, pintto
5.- Jon Braun
6.- Kua, kua
7.- Lehenengotxo hori
8.- Apalatxo
9.- Eragiozu
10.- Han zeuden
11.- Arantxan txan
12.- Ene txiki
13.- Korro korroan
14.- Txalopin txalo
15.- Binbili bonbolo
16.- Martuteneko trena
17.- Sorgina pirulina
18.- Uztaiak gora (Ran Roberran)
EUSKAL EDITOREA SL www.euskalherrikoplaza.com - Martin Ugalde Kultur Parkea 20140 Andoain Gipuzkoa