CDa.

Egileak: Unai Iturriaga, Igor Elortza eta Josu Zabala

Partaideak

-Igor Elortza: bertsolaria.

-Unai Iturriaga: bertsolaria.

-Josu Zabala: doinu guztien egilea. Soinu txikia, akordeoia, teklatuak.

-Aitor Rubio: gitarra akustikoa eta elektrikoa.

-Xanpe: perkusioa, alboka, aho soinua

AZALPENA: Gu ta gutarrak proiektuan bertsoa eta musika dira oinarri, baina hurrenkera horretan. Hitzarena da nagusitasuna. Bertso sortei dagokienez, aurreko lanetan ez bezala (pobreziari eta drogei buruzkoak), ez dago batasun tematiko esturik. Alabaina, esan liteke Gu ta gutarrak kontzeptuaren barnean leudekeela guztiak. Eta zer edo nor dira Gu ta gutarrak? Gure baitan dauden izaera eta jarrera ezberdinak, inguratzen gaituzten eta partaide gaituzten mundutxoak: bertsolaritza, Euskal Herria, parranda, maitasuna, gaua… Gu ta gutarrak ez da proiektu hertsi bat eta uneotan errepertorioa osatzen duten sortak desagertu eta beste batzuk agertu daitezke gerora, edo bat-bateko jardunak toki gehiago hartu, edo… Horregatik definitzen dugu, besteak beste, emankizun hau 7 Eskaleren lanak baino bertsolariagotzat.