Elikadurari buruzko liburua.

Antonio Palomar-en liburu honek birrindu egiten ditu elikaduraren gainean esan ohi diren gezur eta sineskeriak, eta jaki osasungarriei buruzko informazio zehatza ematen du. Hipokratesen garaian bezala, janaria ere sendabide izan daitekeelako. Liburuak bi atal ditu: Lehena, luzeena, janarien eta janari multzoen hiztegia da (barazkiak, frutak, laboreak eta edariak daude aztergai). Jaki bakoitzak bere osagaiak, ezaugarriak, arriskuak, mitoak, erabilera aholkuak eta bestelako jakingarriak biltzen ditu. Bigarren atala dietetika hiztegia da. Gaixotasunen arabera dago antolatua, eta erabilgarria da elikadurarekin eta beste ohitura batzuekin loturiko zenbait patologia saihesteko edo tratatzen laguntzeko.