Aurkezpena

Adarrazpi artegian, Mikel Beldarrain, artzainak, eta Inma Iriondok, gazta egileak egiten dugu lan. Gure baserria, Adarra mendiaren magalean dago, Urnietako Xoxoka auzoan. Jarduera nagusitzat gazta egitea dugu, arreta handiz egiten duguna, eta Idiazabalgo Gaztaren sor-marka kontrolatuaren arauak zorrozki betetzen ditugu. Azarotik ekaina bitartera egiten ditugu gaztak, urtean 4.500 kilo. Eta salmenta gehienak, gaztaindegitik bertatik egiten ditugu, hala ere, azoketara ere joaten gara. Udan, Aralar mendiko larreetara igotzen ditugu ardiak, usadioa jarraitzen dugun apurretakoak gara, eta neguan, Adarrako belardietan elikatzen ditugu. Gure ardiak ondo zaintzea da guretzat lehena, eta horri esker dugu kalitatezko gazta.